LEPRA (2020)
Det handlar om kroppar som visnar vekk, menneske som blir sendt vekk frå familien, lokalsamfunn i oppløysing, desperate fluktforsøk og spedalske som sneik seg til å ha sex når ingen kunne sjå dei. Me får òg høyra om korleis forskarar, med Armauer Hansen i spissen, klarte å få bukt med sjukdommen i Noreg.
Lepra er ein frittståande oppfølgar til Anders Totlands KUD-prisnominerte Den norske slavehandelen og Nattmannen. Desse bøkene har til felles at dei handlar om litt ukjente, mørke sider av norsk historie. Dei passar for barn og unge som liker å lesa dramatiske historier frå verkelegheita.
Martin Ernstsen som har laga dei fantastiske illustrasjonane i boka, fekk Brageprisen i 2019 for tegneserieromanen Sult.
VINTERTONAR (2019)
Kan ein reparera ein øydelagt familie?
Ein urovekkjande telefonsamtale driv Isak til å vende tilbake til bygda han vaks opp i, ein stad han for lengst trudde han hadde lagt bak seg.
I møte med sin døyande far og søstera han aldri blir klok på, prøver han å komme nærmare si eiga historie: finne svar på kva som eigentleg skjedde med mora, og kven som har svike kven.
Vintertonar er ei historie om sanning, løgn og løyndommar og om stilla som høyrer heime imellom – og er Anders Totland sin første roman for vaksne.
UT I ROMMET (2019)
Ei reise ut i verdsrommet.
Tenk at det faktisk har vore nokon på månen! Alva drøymer også om å reise ut i rommet. Men må ho vente heilt til ho blir stor?
«Ut i rommet» er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.
I tillegg til historia om Apollo 11 si ferd til månen, er Ut i rommet proppfull av spennande fakta om verdsrommet.
NATTMANNEN (2019)
Nattmannen var han som tok seg av avfallet, flådde hestar og rydda etter at bøddelen hadde gjort sitt. Dette yrket blei sett på som fullstendig ærelaust, og folk trudde heilt på alvor at nattmannen var smittsom.
Ei av dei ti sanne historiene i boka handlar om rakkarungane som blei så dårleg behandla at kongen måtte trå til. Me får også høyra om banden frå Nattmannshaugen i Oslo som herja vilt og enda i galgen og om eit lik som sette ein heil by på hovudet, sidan ingen ville ta på seg jobben med å bæra det til grava.
Nattmannen handlar om ære og skam, og kva det gjer med eit menneske og ei gruppe å bli sett på utsida av det gode fellesskapet.
Boka er illustrert i teikneserieaktig stil av Kristian Krohg-Sørensen.
DEN NORSKE SLAVEHANDELEN (2018)
I denne boka skildrar Anders Totland livet og kvardagen t
il dei norske deltakarane i slavehandelen.
Det var nordmenn i alle ledd. Dei reiste til sjøs, med skipa fulle
av afrikanske slavar, og dei jobba på dansknorske slavefort i Afrika og i Amerika.
Me får høyra om ein mektig dommer frå Ringerike som torturerte og drap eit tosifra tal slavar. Og me blir kjent med ein sliten skippar frå Bergen som mista både jobb og familie, før han fekk ein ny sjanse på eit slaveskip. Sjølv Tordenskiold, den store krigshelten, var aktivt med i denne handelen.
Når me les om desse lagnadane, får me innblikk i livet slik det var på 1600- og 1700-talet, rått og brutalt og hjarteskjerande. Men også i denne mørke delen av norsk historie fins det nyansar.
Boka er illustrert i ein poengtert teikneseriestil med tidsriktige detaljar.
NEDTELJING (2018)
Viggo er forelska i kjærasten til bestekameraten. Situasjonen er heilt håplaus, fram til Viggo blir introdusert for konseptet chatroulette. I motsetning til jentene på skulen, er jentene han møter på internett som henta ut av ein våt draum. Men kva skjer når draumen blir til mareritt?
Fengslande og dramatisk om kor fort livet kan endra seg.
DIGG – GJER KVARDAGEN TIL EIN FEST (2017)
I kokeboka DIGG finn me alle ingrediensane som høyrer heime i ei kokebok: forrettar, supper, middagar og dessertar, men me spissar det heile med nokre heilt eigne krydder. Og får du litt til overs har me restetips til mange av oppskriftene, samt eit eige kapittel om restemat.
Dei festlege rettane i boka kan lagast av kven som helst, med kvardagslege ingrediensar alle kan finne i nærbutikken i kvar einaste krå av landet.
Ei saftig, rå og raus kokebok som inspirerer sjølv den matleie i tidsklemma.
SÅ LENGE INGEN SER OSS (2017)
Ei bok som merkar deg, skriv forlaget. Boka er selt til Danmark, og har mellom anna fått terningkast 5 i Dagbladet.
Gyldendal skriv: Det er ingen som ser oss her, seier Ole, den nye stefaren til Jon. Jon har hatt ein del av dei. Men Ole er annleis. Han lagar pannekaker, legg frem gymtøy og passar på at det er nok mat i huset til nistepakkar. Han melder seg til og med som trenar for det nye gutefotball-laget i bygda! Og er skikkelig nøye og ordentleg. Han blir til og med med inn i garderoben for å passa på at alle dusjar etter trening. Ja, Ole er verkeleg super. Ein dag spør han om Jon vil vera med på campingtur. Berre dei to! Jon blir flau av glede. Klart han vil!
Det er berre det at Ole ikkje er heilt den same på camping som elles. Og Jon er ikkje den same etterpå. Men kven vil tru på Jon når han til slutt fortel det som må forteljast?
ENGEL I SNØEN (2016)
Knallsterk og vakker ungdomsroman om livets uunngåelige brutalitet, skriv Gyldendal.
Det synet deler også kritikarane, og boka har fått svært gode kritikkar. Både Bergens Tidende og Dagbladet fann frem femmaren på terningen då dei melde boka.
Her kan du sjå kva andre meldarar har skrive om boka.
Eit utdrag frå boka er også med i årets tXt-aksjon Panser, som er distribuert til meir enn 120.000 elevar i ungdomsskulen.
Det danske forlaget ABC Forlag har kjøpt rettane til å gje ut boka i Danmark.
Boka dannar også grunnlaget for Engel i snøen – ei slags framsyning.
VAMPYRANE I EPLEHAGEN (2015)
Bestefar i Eplehagen er prest. Når han ikkje er i kyrkja, tuslar han rundt i hagen og et deilige, raude eple. Bestefar elskar eple.
Men han får ikkje fred. Stadig vekk dukkar naboane opp, når han minst ventar det. Naboane til bestefar er vampyrar.
I boka Vampyrane i Eplehagen kan du lesa korleis det går med bestefar og vampyrane. Og sjølv om vampyrar (og kanskje også besteforeldre?) kan vera litt skumle, kan boka trygt lesast av både bestemor og barnebarn.
Historia om vampyrane i Eplehagen er basert på ein ekte bestefar.
