I ungdomsromanane sine går Anders Totland inn i vanskelege og krevjande tema for ungdom, i ei lettlesen form som gjer at dei aller fleste klarer å komma seg gjennom ei heil bok. Bøkene er òg godt eigna til høgtlesing på skulen. Dermed kan bøkene opna for samtalar i klasserommet, der alle elevane deltar på same premiss.
Eit resultat av dette er at alle dei fire ungdomsromanane som Totland så langt har skrive, er svært populære blant elevar som skal skriva særemne eller fordjupningsoppgåver.
Den første boka kom i 2016, og heiter Engel i snøen. Dette er den aller tynnaste boka, på knappe 80 sider. For denne vann Totland Nynorsk barnelitteraturpris. Boka fekk terningkast fem i både Dagbladet og Bergens Tidende.
Hos Barnebokkritikk.no skreiv Birgitte Furberg Moe: “I alt det som ikke utpensles i denne korte, lille, men store boken, i de uuttalte tingene, de tomme rommene, er det mye av både kvaliteten og dens evne til å bevege leseren ligger. (…) Den sårbare slutten med sin fine skildring av en fars omsorg for et sykt barn bringer også et par tanker til Lars Amund Vaages mesterlige Syngja – der også sangen er et lindrende motiv– om enn på en annen måte. Totlands lavmælte og snøfylte ungdomsbok er en stille storm – en sår og bevegende leseropplevelse.”
Så lenge ingen ser oss kom ut i 2017. Også denne fekk terningkast fem i Dagbladet, der Marie Kleve skreiv at “bøker som Totlands er viktige, for de kan starte samtaler, men også vise leserne at de ikke er alene.”
Bømlo-nytt skreiv at “Totland er ein meister i å fortelja mykje med få ord. Han kunne ha skrive ein murstein av ein roman med denne historia, men har greidd å formidla heile den vonde historia på vel 100 lettlesne sider.” Medan Hardanger Folkeblad slo fast at “Totland har levert nok en god – og viktig – bok. Og så lenge noen kan skrive om det, får vi tro det er håp.”
I 2018 kom Nedteljing, som truleg er den mest populære av bøkene blant ungdom. Som i dei andre bøkene tar Totland opp aktuell og vanskeleg tematikk for ungdom, men i denne boka blir det meir spenning.
Det er det òg i Blindsone, som blei omtalt slik då Fredrikstad Bibliotek presenterte årets beste barne- og ungdomsbøker frå 2021: “En heftig ungdomsbok om altoppslukende kjærlighet, utagerende russefester og om å miste seg selv på veien! Nok en fulltreffer fra Totland. Bøkene hans kan få en pubertal ungdomsgutt med lesevegring til å elske nynorsk!”
Og vil du ha endå meir, er det verd å merka seg at Totland sine romanar for vaksne, Vintertonar og Til jord skal du bli, òg er ganske lettlesne – og ikkje minst veldig fine.
Her kan du lesa meir om Totland sine sakprosabøker om mørk, norsk historie.
Alle bøkene kan du finna på biblioteket, eller der du kjøper bøker.
Eventuelt kan dei bestillast her, både som ebok, lydbok og papirbok.
Og sånn ser ungdomsromanane ut:
ANDERS TOTLAND 